هتحدى الظروف بقلم فاطمه عيد

الشاليه اللى زين اجره .. شاليه قدام البحر بالظبط .. الطريق حوليه شبه صحرا .. النور خفيف يدوب مدى ضي للمكان .. روح تبص ع الشاليه وتنبهر بجماله .. كل الشاليه ابيض والحيطان ازاز وف جنينه كبيره حولين الشاليه بتنتهى بالرمل والميه 
روح بانبهار احنا هنقعد هنا !!!!
زين ايوه
روح واااااو بجد
زين طب هنفضل واقفين كده كتير !
روح احم .. طب مش هتفتحه
زين طب مش نقرب
تبتسم روح وياخدها زين ويدخلوا الشاليه اللى اقل ما يقال عنه انه رائع .. روح ابتسامتها اترسمت ع وشها وزين استغرب فرحتها بحاجه بسيطه زى دى .. قدرت تنسي اللى حصل لمجرد انه جابها ف مكان كويس .. استغرب سذاجتها جدا وف نفس الوقت ابتسم ع ابتسامتها وبرائتها .. بصلها ولاول مره عينه تلمع ويحس بالارتياح لمجرد انه شايفها بتبتسم ومبسوطه .. روح عماله تتفرج ع كل ركن ف البيت وهى بتضحك لفت انتباها سكوت زين .. تبص تلاقيه بيبصلها ومبتسم تستغربه 
روح باستغراب بتبصلى كده ليه !
يفوق زين من سرحانه ف جمالها ويحاول يرسم الجديه ع وشه 
زين لا ابدا .. فضي الشنط ويلا ننام
روح هو ايه حكايه جهزى الشنط فضى الشنط .. جهزى فضى .. ف ايه هى الشنط مضايقاك ف ايه !
زين مش مضايقانى ولا حاجه بس انا حابب انام
روح طب هفضيها بس نهدى شويه من الطريق
زين اوك
روح احم .. هو المكان حوالينا فاضي 
زين مش فاهم !
روح قصدى احنا الوحيدين ف المنطقه 
زين برضو مش فاهم عاوزه توصلى لايه !
روح اصل بقالنا حوالى تلت ساعه من الطريق الرئيسي لهنا وانا مشوفتش ولا شخص خالص .. كأننا لوحدنا ف المكان
زين امممم احنا فعلا لوحدنا ف المكان
روح طب بما اننا لوحدنا ممكن طلب !
زين اطلبى
روح ممكن نخرج نقعد ع البحر شويه .. شكله حلو اوى والسمھا صافيه والجو جميل و.......
يقاطعها زين بس بس موافق ..
تعالى ناخد شاور الاول وننزل نقعد قدامه للصبح
روح بحماس وصوت عالى اوكاااااااى
يضحك زين ع حركاتها الطفوليه 
زين بابتسامه هاخد انا شاور ف حمام الاوضه دى وانتى ف حمام اوضتنا اللى فوق تمام
روح تمام
يطلعلها زين الشنطه ف الاوضه وياخد شورت وتيشرت وينزل .. روح تحتار تلبس ايه .. تطلع اللبس الجديد كله وتفرده ع السرير وهى محتاره تلبس ايه .. كانت هتختار حاجه سوده بس حست انه مش مناسب مع الجو .. تطلع فستان لونه اوف وايت عجبها شكله جدا .. هى مقستهوش ف تفك شعرها وتفرده ع ضهرها .. وتحط مورد شفايف بس لان بشرتها مش محتاجه اى ميكب .. تبص لنفسها بفخر وايقنت من جواها ان الحړب ابتدت .. تفتح الباب وتنزل برقه ع السلم وهى مبتسمه .. زين واقف تحت
وبيبص ع السلم وبيحاول يدرك ان دى هى روح .. يبص لملاحها وتفاصيل جسمها وشعرها ومشيتها وابتسامتها وحس لاول مره ان ف واحده ممكن تكون خطړ عليه .. حاول يهدى نفسه ويتمالك اعصابه .. ابتسملها بهدوء وهى وصلت عنده 
روح برقه انا جهزت
زين بتوتر امممم طب يلا
روح هو عادى اخرج كده صح !
زين ايوه عادى سبق ووضحت ان مفيش حد غيرنا ف المنطقه .. يعنى خدى راحتك خالص
روح بابتسامه صافيه اوكى
تمشي قدامه وتفتح الباب وتخرج تتجهه للبحر وهو وراها متابع تحركاتها .. يوصلوا قدام البحر مباشره 
روح بابتسامه الموج هادى والهوا حلو اوى
زين بصوت اشبه بالهمس هو الهوا بس اللى حلو
روح سمعته وضحكت من جواها بس حبت تتظاهر انها مخدتش بالها 
روح انت بتقول حاجه 
زين لا ابدا
روح اممممم اوك .. ممكن نقعد
زين نقعد فين !!
روح هنا ع الرمل
زين هدومك هتتوسخ كده
روح هبقي اغسلهم
زين بضحك اوك
يقعد زين ويشد ايدها ويقعدها جنبه .. روح وهى بتقعد الفستان يطير ويترفع كله لفوق من شده الهوا .. روح تبرق مره واحده وتشده وتقعد بسرعه .. وهى بتقعد نص رجلها يجى ع رجل زين .. تتخض اكتر وتتوتر .. زين يضحك بتلقائيه ع شكلها 
زين بضحك اهدى اهدى
روح بڠيظ متضحكش
زين بضحك اكتر حاضر هحاول
عمال يزيد ف الضحك وروح اتضايقت منه جامد لسه بتقوم يشدها مره واحده ويقعدها ع رجله ويحصنها جامد .. روح تشهق من حركته وتحاول تقوم بس يشل حركتها بايده 
روح بتوتر زين ااا من ف ف فضلك ا ااا اوعى عيب كده
زين بابتسامه لا انا كده مرتاح
روح وانا مش مرتاحه
زين كدابه انتى مرتاحه ومبسوطه كمان
روح تتصدم من جملته لانها فعلا مبسوطه انها ف حصنه 
وتستغرب نفسها جدا .. تحاول تبين انها مضايقه 
روح بجديه مصطنعه زين ابعد انا مش
زين هو انا اعمل مع اى واحده تقوليلى قله ادب .. اعمل معاكى تقولى قله ادب .. ماهو طبيعى قله ادب مش هنحضر دكتوراه يعنى .. بس قله ادب محلله فاتهدى واسكتى بقي
روح انت بتقولى اتهدى 
زين افهم من كده ان كلمه اتهدى بس اللى ضايقتك !!
روح ايوه طبعا متقوليش كده
زين ف ايه !
روح بزعيق اطلع بره
زين باستغراب نعم !!
روح بنفس الزعيق اطلع بره مش طايقه اشوف وشك
زين انتى هبله يابت ولا ايه اومال لو مكنتيش متعلقه ف رقبتى من شويه
روح بصوت باين فيه انها خلاص هتعيط غلطه ومش هتكرر .. انت حيوان .. عاوز تعمل ما بدالك وبعدين ترمينى زى ما اكيد عملت مع غيرى .. انا مستحيل اقبل انك تقربلى .. انا قرفانه من نفسي انى سمحتلك ب دا .. اخرج بره وابعد بعيد عنى
زين بيسمعها متفاجئ من طريقه كلامها وتفكيرها .. هى ازاى فكرت كده ! .. هو اه مش اول مره يعمل كده بس احساسها كان مختلف معاها مفكرش ابدا انه ممكن يرميها او يبعد بالعكس حس انه بقي ملكها هى وبس وحقها .. حس ان القرب دا بدايه حرب هى كاسبها .. اضايق جدا من كلامها وزقتها ليه واتعصب اكتر لما افتكر 
الحلقة 11
الحلقة 12
رواية هتحدي الظروف
بقلم فاطمة عيد
علقوا هنا ب 10 ملصقات
الحلقة 11
هتحدى الظروف 
الحلقه 11
يشدها ويتجهه للباب وروح تستغرب
هو هيعمل ايه 
زين البيت دا مش هتعتبيه تانى مهما حصل .. هكتفى برميك ف الشارع جايز دا يكون اكبر عقاپ بالنسبالك
يفتح باب الشقه ويزقها جامد بره لدرجه انها وقعت ع عتبه الباب ويدوب هيقفل الباب .. يقاطعه صوت كامل 
كامل بزهول ايه اللى بتعمله دا !!! انت اټجننت !!
يبص زين يلاقى كامل ومايسه طالعين ع السلم .. يغمض عينه بعصپيه .. دى كانت اخر حاجه ممكن يفكر فيها دلوقتى .. يطلع كامل جرى ع السلم ووراه مايسه .. تقرب مايسه ع روح وتقومها 
مايسه اهدى اهدى ايه اللى حصل !
تحصنها روح وټعيط جامد .. تاخدها مايسه ولسه هتدخل يقف زين قدام الباب 
زين بزعيق مش هتدخل طول ماانا ف البيت .. مش هتعتبه تانى
مايسه ليه دا كله ادخل بس نتفاهم بدل مااحنا ع السلم كده
زين انا قولت مش هتدخل
كامل ابتدى يتعصب هو ايه اللى مش هتدخل .. دا انت اتجتننت فعلا.. هتروح فين يعنى ف ساعه زى دى ! .. وبعدين هى عملت ايه لدا كله !! .. ادخل وخلينا نفهم اللى حصل الاول وبعدين نشوف هنعمل ايه
زين مفيش حاجه اسمها هنشوف انا خلاص طلقتها
تنزل الكلمه زى الصاعقه ع كامل ومايسه .. ومش فاهمين دا حصل امتى وازاى !! هما كانوا لسه سايبنهم الصبح كويسين .. ازاى يحصل كده !! 
كامل بصذمة انت بتقول ايه !! انت بتهزر صح 
زين لا مش بهزر وحاليا هى مبقتش مراتى ولا ف اى صله تجمعها بينا .. فيستحسن انك تمشيها بالمعروف لانى ماسك نفسي عنها بالعافيه والله .. ولو طولتها ھڨتلها
كامل يستغرب طريقه ابنه وعياط روح المتواصل .. يبص لمايسه اللى ابدتت ټعيط هى كمان ع ابنها وتصرفه 
كامل باستغراب انا مش فاهم حاجه ! .. يبص لروح .. انتى عملتى ايه !
روح بعياط وصوت مبحوح معملتش حاجه والله
كامل يبص لابنه هى مضايقاك ف ايه ! طلقتها ليه اصلا !
زين هبقى اجاوبك ع كل دا بس لما تمشى الاول
كامل يتنهد بنفاذ صبر هو عارف ابنه ودماغه وفعلا مش هيهدى الا لما تمشي .. يطلع مفتاح من جيبه ويفتح باب الشقه اللى قصادهم بالظبط .. الشقه كانت بتاعت زين بس لسه مترتبتش كان جايبهاله يتجوز فيها .. يفتحها ويدخل روح فيها ومايسه تدخل تقعد مع روح .. يبص لابنه اللى دخل الشقه .. يدخل وراه 
كامل ادينى مشتها زى ما طلبت .. ايه اللى حصل بقي 
زين محصلش حاجه
كامل بنرفزه هو ايه اللى محصلش !!!! ارجع الاقيك مطلقها وتقولى محصلش 
زين موضوع شخصى بينا واتقفل خلاص
كامل بقولك ايه انا مش فاضى للدلع بتاعك دا .. البنت عملتلك ايه عشان تطلقها وتطردها بالشكل دا !!! .. داانتو يدوب بقالكو شهر .. هو انت لحقت تتجوزها لما تطلقها
زين قولت حاجه شخصيه ومينفعش تتحكى .. انا حر ف قرارتى .. اطلق اتجوز انا حر .. اتمنى ما تدخلش ف حياتى تانى
كامل بزعيق لا مش حر .. لما تطلق بنت كويسه وترميها بالمنظر دا تبقي مش حر .. يا اخى داانا موصيك عليها .. البت غلبانه وملهاش غيرنا .. تقوم تعمل فيها كده !! دا بڈم ..ا تحتويها وتسمعها وتفهمها غلطها .. لا ازاى طلق وارمى ع طول
زين يضحك باستهزاء كويسه وغلبانه !!!!!! .. اه طلعت مش لوحدى اللى مغفل بقي .. الله اكبر عليها بجد .. ممثله درجه اولى .. انا من رأيي تنقلها معهد التمثيل وهتنجح فيه باجتياز .. واحده قدرت تمثل ع الكل وتخليهم بيتحاكوا بادبها واخلاقها وهى ف الاصل .....
يقطع كلامه وميقدرش يكمل .. يتنهد بضيق .. كامل يبصله بزهول من طريقته واللى بيقوله وطريقه كلامه دى ملهاش الا معنى واحد كامل مش قادر يصدقه .. يسيبه كامل لانه اكتشف ان الكلام معاه ملوش اى لازمه .. يروح كامل عند روح .. يدخل يلاقيها قاعده بهدوء ف حضڼ مايسه .. ومايسه عماله تتطبطب عليها 
كامل روح
تبصله 
كامل انا عاوز افهم ايه اللى حصل بالظبط
روح بصوت مبحوح انا نفسي مش فاهمه ايه اللى حصل
كامل يحاول يتمالك اعصابه .. لانه ابتدى يتنرفز فعلا من سكوتهم هما الاتنين 
كامل بعصپيه مكتومه يعنى دخل قالك انتى طالق وطردك من غير سبب !!!! .. ما تبطلوا الزفت اللى بتعملوه دا واتكلموا .. خلينى احل المشكله ونخلص
مايسه اهدى يا كامل بالراحه
يدخل زين عليهم .. ويقاطع مايسه 
زين انا
قولت اللى حصل حاجه شخصيه بينا .. ياريت متدخلش ..