ايه صوت الزغاريط دي
رحاب ليه لعبتي اللعبة السخيفة دي !
عيوني دمعت وبصيت لعصام وحكيت كل حاجة !!!
بعد شوية كنت بمسح دموعي ومريم بتطبطب عليا
جه بابا وقعد جمبي وطبطب عليا وقال
انتي غلطتي يا رحاب غلطتي لما كدبتي مفيش مبرر انك تكدبي بالشكل ده
أسفة يا بابا
بس بابا لعصام وقاله ببرود
وانت غلطت يا عصام بنتي مش بايرة لو عايزة هتتجوز اللي احسن منك وانا عمري ما افرض بنتي عليك اللي اجوزه بنتي لازم يخبط علي بابي واتأكد الاول انه جدير بيها لولا ما اديهاله
عصام وشه في الارض ومقدرش يرد بصيت لبابا بحب كنت فرحانة انه جاب حقي ورجعلي كرامتي
ابتسمت مريم وقالت
كده احنا متصافين يا حاج صح !
ايوة يا مريم بس بشرط
اشرط يا عم الناس
مدخليش نفسك ولا خطيبك في لعبة زي كده مش فردة شراب هو!!حافظي عليه ممكن يضيع منك
لا يا عم بعد الشړ انا هحافظ عليه
خير يا حسام
قولها تعاملني كويس
عامليه كويس
حاضر يا عمي
يا عمي يا عمي
عايز ايه تاني
عايز تتجوز اخر السنة دي وهي رافضة خليها توافق
اتجوزيه السنة دي يا بنتي عشان خاطري
هفكر يا عمي
يا عمي يا عمي
ما خلاص يا بني دوشتني خد خطيبتك وروح من هنا
مرت الايام وعرفت أن لميس اتخطبت لواحد تاني ودي كانت صډمة يوم ما عرفنا كان عصام عندنا بصيت لوشه عشان اشوف غيره او حزن بس مشوفتش غريبة ازاي بيحبها ومش غيران بس مرضتش احط في بالي يزعل ولا ميزعلش انا مال اهلي
صوته جمدني مكانه كنت عايزة اجري واهرب بس مقدرتش قعد جمبي وقال
انتي مخصماني ولا ايه
واخاصمك ليه يعني انت دوستلي علي طرف انت كنت صريح انت مبتحبنيش والحب مش عافية
بس يظهر اني كنت غلطان
بصتله بصډمة فابتسم وقال
ممكن تشرحيلي يعني ايه راجل مفروض يحب واحدة ولما يعرف بخبر خطوبتها يبقي مش مبالي وحاسس ببرود بس لما البنت اللي ڈم ا بيقول مستحيل يحبها اول ما يعرف أن هيتقدملها واحد تاني يبقي هيتجنن ونفسه يكسر رأسه قوليلي يا رحاب عندك تفسير
انا انا
قام وقال بسرعة
انا بحبك عارف اني غبي ايوة غبي بس بحبك واسف علي كلامي السئ
سكتت ووشي حمر احلامي بتتحقق
رحاب ردي انتي قلقتيني
اخدت نفس وانا بفتكر كلام بابا وبصيتله وقولت
لو عايزني خبط علي بابا ابويا واثبت امك تستحقني وانا هكون ليك
وبعدين سيبته ومشيت معرفش ايه مخبي المستقبل بس عارفة ان اللي بيحبك هيحافظ عليك وهيعمل المستحيل عشان يستحقك وعصام لو بيحبني هيعمل اي حاجة عشان ابقي مراته والحب اللي شوفته في عينيه اكدلي انه هينجح اكيد
تمت
