رنا تليفونك بيرن

بسرعة لقيته واقف زي ما هو مهربش!
جريت عليه وقولت بسرعة 
ا ل البوليس البوليس جاي اهرب بسرعة
ابتسم خاېفه على
ابوكي يا رنا 
زعقت اهرب مش وقته اهرب
لمحت عربية سودا جت وراه وفي نفس الوقت صوت العربيات ورايا
بصيت عليه لحد ما ركب والعربية جريت وبعدين بصيت ورايا پخوف
رنا 
بصتله وأنا دموعي في عيني شوفت في عينه الصدمة والڠضب مع بعض

ي يو يوسف استنى هفهم.... 
اقبضوا عليها
جملة طلعت منه پغضب بصيت في عيونه پصدمة كان بيبادلني پغضب نظرات الحب كلها اتحولت لڠضب كأن نظراته هتحرقني وأنا واققه
حطوا الكلبشات في ايدي ونزلت مني آخر دمعة قبل ما امشي من قدامه.....
يتبع......... 
2
وصلنا القسم وهو اختفى وأنا خدوني قعدوني في أوضة شبه ضلمة فيها ترابيزة وكرسيين قدام بعض بصيت حواليا وعلى الكلبشات اللي في ايدي پخوف وقعدت أعيط أكتر
اتنفضت بخضة اما الباب اتفتح فجأة كان هو
بصتله بعيني المدمعة كنت بحاول ادور على أي نظرة جوه عينه غير الڠضب ولكن ملقتش
حط قدامي ازازة ماية بهدوء وقعد في الكرسي اللي قدامي
قوليلي بقى يا آنسة رنا هربتي أبوكي على فين 
أ أ أنا... أنا مهربتوش 
ضحك بصوت عالي بجد والمفروض اصدقك أنا كده صح! 
عيني دمعت أكتر أنا معرفش عنه حاجة ومعرفش راح فين 
ده أخر كلام عندك يعني
بصيت في الأرض وهزيت راسي ب واه
خبط على الترابيزة پغضب وقام وقف 
طيب حضرتك هتشرفينا هنا لحد ما أبوكي يظهر أو لحد ما أنت تتعبي وتقولي هو فين
حسيت بجسمي كله بيترعش دموعي مبقتش عارفه أوقفها
قومت بسرعة وقفت قدامه قبل ما يخرج وقولت بعياط
أنا... أنا معملتش حاجة والله أنا مش هقدر أقعد هنا يوسف أنت لازم تصدقني أنا معملتش حاجة!
بصيت في عينه لقيتها بتلمع بالدموع فضلنا باصين لبعض وقت معرفش قد ايه لحد ما بعدني من قدامه وخرج
جم خدوني كنت فاكرة إنهم خلاص هيودوني السچن ولكن لقيت إنهم ودوني أوضة كأنها مكتب وقفلوا عليا وخرجوا
مكنتش بفكر في حاجة غيره نظرة خيبة الأمل اللي عيونه ليا مش بتروح من بالي بس أنا السبب في ده كله
ضحكت بكسرة بعدت عنه عشان مبقاش شبهه بس الظاهر برضو إني شبهه وبكسر ثقة أهم ناس فيا!
رجعت راسي وسندت على الكرسي غمضت عيني بتعب 
كنت بتمنى كل اللي أنا فيه ده يكون كابوس! كابوس بشع
عدى وقت طويل مقدرتش اقاوم النوم ونمت لحد ما قومت على رزعة الباب
بصيت جمبي لقيته
قولت بلهفة يوسف
قعد قدامي ولقيته ساكت سكوته كان أكتر حاجة ۏجعاني 
يوسف عمره ما سكت أبدا!
قطع حرب النظرات قام وقف وفك الكلبشات من ايدي وقعد مكانه تاني
قال بهدوء عملتي كده ليه يا رنا
كنت بصاله بس من غير ما اتكلم دموعي هي اللي كانت بترد عليه
المرة اللي خبطتك فيها كنت ريحاله مش كده ويا ترى بقى أنت اللي قولتيله أهرب برضو 
رديت بهدوء أنا معرفش عنه حاجة أنا روحت اقابله للمرة الأخيرة عشان يبعد عني 
ضحك وأنا أقول هي من ساعة ما عرفت إني ظابط وهي متغيرة وبتبعد أتاري إن اللي بدور عليه يكون أبوكي أنت! 
أنت عارفه إن بسببك أنا خسړت مهمتي لمرتين 
بصيت في الأرض أنا آسفة
قام وقف أنا اللي آسف يا رنا أنا اللي آسف
قومت بسرعة مسكت ايده وقولت بهيسترية يوسف متتخلاش عني متسبنيش زيه أنا معملتش حاجة أنت الوحيد اللي حسيت معاك بالأمان متسبنيش أنت كمان عشان خاطري 
أنا غلطتي الوحيدة إني حبيتك يا رنا
بصتله پصدمة سبت

ايده ورجعت خطوة لورا 
قلبي حسيت بيه كأنه بيتكسر قعدت مكاني من غير ما أقول كلمة حتى