يا جماعة مراته لسة فيها الروح استعجلوا الاسعاف دي حامل
المحتويات
معانا ومطمنتش لحد يساعدني زيك.
_ أنا معملتش حاجه يابنتي انتوا زي ولادي
بس حاولي تخشي تريحي شوية جمب جوزك
انتي تقريبا بقالك يومين منمتيش.
_ هنام يا عم جميل بس لما اطمن انه صحي وبقا كويس ..
نزل دكتور جميل ودخلت فلك ل فارس شدت كرسي وقعدت جمب السرير الصغير اللي نايم عليه
وفضلت تبصله وهو نايم وهي بتحمد ربنا أنها عدت هي كمان جربت احساس أنها ممكن تفقده
الصبح صحيت لما لاقت نفسها نامت ڠصبا عنها علي الكرسي بس هي
لما صحيت لاقت نفسها في السرير وفارس هو اللي قاعد علي الكرسي قدامها بيبصلها وهي نايمة .. اتعدلت بسرعة وحطت أيدها علي رأسه تجسه ب لهفه وهو ابتسملها وهو بينزل أيدها ب راحه ويطمنها
_ أنا بقيت كويس اطمني
_ الحمدلله يا فارس متعرفش أنا كنت بمۏت من الخۏف عليك ازاي
بصتله ب استنكار وقالتله بعتاب
_ انت بتشكر مراتك علي واجبها ولا ايه
علي العموم أنا متعبتش ولا حاجه وبعدين انت ايه اللي قومك من السرير ونيمتني انا انت تعبان
اتفضل تعالي مكانك عشان هقوم اعملك فطار واجبلك الدواء .
_ صدقيني أنا بقيت كويس أنا حتي نازل الشغل أصلا.
_ بدون نقاش انت مش رايح مكان انهاردة متفقين لحد ما تتحسن
_ مش هروح ايه يا فلك ما كفاية امبارح
وكمان متنسيش دي اهم فترة عشان تثبت فيها نفسي ومضيعش مجهودي .
سكتت تبصله ب حيرة
_ تمام موافقة بس هتفطر الاول الفطار اللي هعملهولك ومفيش قهوة هتشرب عصير فريش عادي وتاخد الدواء مفيش حاجه اسمها مش عايز ومش بحبه
_ حاضر اي حاجة تاني
_ متتريقش بس
كمل بضحك _ مش بتريق انتي شايفة نفسك يافلك امي معملتش كدا حتي وانا عيل
ابتسمتله ب حنية
_ من غير هزار أنا حسيت ب كدا فعلا حسيت اني ابني اللي تعبان وانا أمه وخاېفة عليه
فأنا حسيتك ابن وإحساس أن فيك تعب وان ممكن اخسرك كان صعب اوي أنا اسفة أن حسستهولك من غير قصد مني نيتي كانت خير ولله يا حبيبي.
فارس كان ساكت ومش بيرد بس نظراته بتوضح احساسه وان فلك اول مرة تقوله يا حبيبي
وتتكلم ب نبرة فيها مشاعرها كلها صريحه !
وهي ما صدقت أنها رجعت للحضن دا
وبعد شوية خرجت من حضنه وسئلته بحذر
_ خلاص يا فارس مبقتش زعلان مني
_ خلاص يا فلك أنا برضو اسف أن حرمت نفسي من الحضن.
كملت ب هزار ومرح
_ خلاص صافي يا لبن وانا عرفت غلطي وانت عرفت غلطك بس انت اتصالحت عادي
أنا بقا مش هتصالح غير لما تجيلي الشكولاتاية اللي متعود
تجبهالي كل يوم واتحرمت منها اسبوع كامل يا مفتري تخيل زعلك حرمني من كام حاجة يابيه
ضحك جدا علي روحها وطفولتها اللي مهمما كبرت بتفضل فلك الطفلة اللي شالها اول مرة
واتأكد أنه مش بيبقي بالروح دي غير معاها وفي فترة خصامهم كان منطفي تماما !
_ تعالي هوريكي حاجة
خدها وراح فتح درج المكتبة في الصالة وشهقت لما لاقت كمية من الشيكولاتات مش بس اللي بيجبهالها انواع تانية نطت من الفرحه
_ ايه دا ايه دا كل القمر دا عشاني
اتكلم بسخرية
_ لأ عشان عم صلاح البواب
_ رغم أننا كنا مش بنتكلم والمفروض زعلانين
لكن مقدرتش امنع نفسي وانا راجع كل يوم البيت
ومعديش علي السوبر ماركت
اشتريلك حاجاتك اللي بتحبيها
بقت تعود وتلقائي بدخل اشتري قولت طب أنا المفروض مش بكلمك وعامل زعلان
ادهالك وهيبتي تروح فضلت احوشهملك
وقولت اسيبك كام يوم كدا ټندمي الاول واصالحك بيهم.
بصتله بتفاجاء
_ اخص عليك يا فارس وهونت تسيبني كدا
اتنهد
_ حقك عليا يافلك أنا كنت بټعذب قبلك
بس فكرة انك عملتي حاجه لأول مرة من ورايا
وكنتي هتروحي مني بسبب اغبية
خلتني اتصرف كدا عشان تفهمي احساس
بصت في الأرض بأسف
_ أنا اسفة مش هعمل اي حاجه تانية من وراك .
رفع ذقنها وابتسملها
_ طب بصيلي ومتوطيش راسك
وبعدين مش انا راضيتك ما تراضينا انتي كمان
وبلاش شوربة خضار مش بحبها
سابت الحاجه بسرعة وقالت
_ لأ انت هترشيني خدهم اهو بس متاخدهمش اوي لحد ما تشرب الشوربة هاخدهم تاني
مفيش حاجه اسمها مش بحبها تمام
_ حاضر يا ماما انصاف حاضر
بس مش واحدة بالك انك خدتي بالك انك مش بتذاكري والامتحانات علي الابواب ولا ايه
فتحت عينيها علي آخرها حتي نسيت دراستها من الحزن هو منسيها كل حاجه ضړبته ب خفة
_ ماهو بسببك يابيه شايف مستقبلي بيضع اهو.
اتكلم بتفاجاء
_ بسببي ليه
_ مش لاقي حد يذاكرالي ونفسيتي مش مفتوحة !
_ ايوه ايوه الذاكرة لاقت حجة حلوه عشان تطلع نفسها طيب ياستي اوعدك هخلص شغل وهنسهر أنا وانتي للصبح نذاكر وعايزك تتحجي وتهربي بقا عايزين تقدير يا استاذة !
قطع ردها عليه حد بيخبط علي الباب جامد اوي وبيزعق والخبط فزع فلك و ...... !
اختك تقريبا جوزها شوه وشها يا فارس !
و الي في بطنها
مش راضي يعترف بيه !
اټفزعت فلك مكانها من خبط الباب الشديد وبصت ل فارس پخوف وهو حاول يطمنها ..
ويهديها وهو رايح يفتح و بيبتسملها
مټخافيش يا فلك .
فتح الباب كان طفل صغير بيعيط وبيحاول يتكلم بأي كلمة لفارس وهو لما شافه كدا انحني ل مستواه وسئله بتعجب
مالك يا حبيبي
رد الطفل بكلام متقطع من الاڼهيار
بټضرب فاطمة !
فتح فارس عنيه علي وسعهم هو وفلك
اللي جات وسمعته
مين فاطمة ياحبيبي
بنت عمي !
ردت فلك بشك
مين بېضربها
ماما !
ما هي يمكن عملت غلط وبتعلمها بس بطريقة جامدة شوية.
لا لا يا عمو دي كلت من التلاجة من غير ما تقول ل ماما ف عرفت وبتمدها بالعصاية علي رجلها
وهي صغيرة ورجلها هتتعور وانا مش عارف اقولها لأ.
بصوا ل بعض ب مغزي هما فهموا من الصدمة وفارس شد الجاكت بتاعه وخد الولد قاصد الشقة اللي فوقيهم وفلك اللي جواها حاجه خلتها تطلع وراه ..
ولما طلعوا كان فعلا في صړاخ طفلة متعديش ال سبع سنين وجمبها ست تانية ماسكاها بكل قسۏة وهي مش فارق معاها صړاخ المسكينة دي من الۏجع !
فارس اتكلم بصوته لفت انتباه الست
انتي بتعملي ايه ! ازاي تضربيها كدا
زعقت فيه لما استوعبت وجود ناس غريبة في بيتها واقفين وبيحاسبوها
ايه دا انتوا مين وانت مالك أصلا
مالي أن صوت البنت وهي بتصرخ عالي
وسمع العمارة كلها من ضړبك ليها !
أنا حرة فيها بربيها ومحدش له دخل
فارس اتعصب من أسلوبها وراح شد البنت منها واللي كان وشها احمر من العياط ومعلم من آثار ضړب بالقلم
لأ مش حرة فيها شايفة ضربتيها ازاي
انتي بني ادمة عشان ټضربي طفلة بالطريقة دي
مهما كانت غلطتها وبعدين امها سايباها معاكي أمانة تقومي تعملي كدا
شدتها منه تاني وبصت لأبنها بتوعد
برضو نزلت ناديت ناس غريبة ماشي بصوا بقا البت دي ملهاش ام ولا اب وهو جبهالي عشان اخدمله بنت اخوه يبقي تتربي ب كيفي ويلا اطلعوا برا بيتي
يعني كمان يتيمة وفي امانتك!
طب تمام انتي بقا لو مبطلتيش هعرف جوزك اكيد مش شايف معاملتك وهو يتصرف .
ردت عليه ب تريقة
لا
وانتش صادق هو عارف و قالي اربيها ب معرفتي اطلعوا منها بقا
رفع حاجبه
الله انتوا عصابة علي الطفلة بقا !
خلاص نبلغ في القسم والبت معتدين عليها بالضړب
سهلة !
فلك من اللي واقفة بتسمعه زي ما تكون حاجه حركتها أو شكل الطفلة وهي بتتضرب فكرها ب حاجه وراحت عند الطفلة شدتها من بين ايدين الست القاسېة وضمتها لحضنها ورفعت عينيها ليها وهي بتزعقلها ب انفعال
أنت مينفعش يتقال عليك حيوان حتي
لان الحيوانات رحيمة وپتخاف علي ولادها عنك
يعني البنت ابوها وامها ماتوا وعمها خدها يربيها
بدل ما تعاملوها كويس وتعملوا بالوصية وبالأمانة
تعملوا كدا ل درجة ابنك ېخاف وينزل يستنجد بحد ليه يعني بتستفادو ايه!
منظر البنت وهي مضړوبة ومتبهدلة كدا قدامك عشان سبب تافه حلو
فاكرة ربنا هيسيبك علي جحودك ومش هيحاسبك
لو دي التربية يبقي لأ سيبوها للغريب احسن
هو هيبقي احن عليها منكوا .
الست اتغاظت من كلام فلك وخدت منها البنت دخلتها الاوضة ووقفت تزعق بعصبية
ملكوش فيه ماتدخلوش في حاجه متخصكوش
ولو ما نزلتوش هصوت واقول بيتهجموا عليا !
قامت فلك وقفت علي حيلها وقالتلها بتحد
احنا هننزل فعلا بس لو كنتي فاكرة اننا هنسيب البنت تعملي فيها ما بدالك بعد اللي شوفناه عشان ملهاش حد تبقي غلطانة
أنا ممكن اوديكي في داهية انتي وجوزك وب أثباتات كلها قانونية أولهم الجيران اللي بيسمعوا صړاخها والكدمات اللي في وشها وبراحتك !
ما ساعة ما نزلوا من عندها كانوا في طريقهم ل جامعتها و فارس راكب معاها يوصلها
كانوا ساكتين هو بيبصلها وهي سرحانه
هو فهم رد فعلها مع جارتهم هي افتكرت معاملة وظلم امه وأبوه الشبيه لمعاملة الست
ف فضل مايتكلمش وسابها تتكلم معاها
لو دي طريقة قدرت تخرج بيها اللي جواها من
زمان
وهو حاسس بالذنب ليها رغم انه كان علي طول معاها وعلي قد ما يقدر مش بيسيب فرصه يدافع عنها بس برضو اهله ومكانش ليه تحكم كامل علي معاملتهم معاها !
وعشان كدا شافت نفسها في الطفلة وهي قدرت تهزها وتخوفها ومرضيتش تنزل الا لما تتأكد أنها هتجيب حق البنت.
خرجها سرحانها وهو بيحط ايده علي أيدها
انا اسف اني مقدرتش انسيكي الظلم اللي عشتيه في بيتنا !
أدركت انه بيكلمها فبصتله وابتسمتله
لأ يا فارس انت السبب في أي حاجه وصلتلها
وانت فعلا قدرت تنسيني وتعوضني عن أي وحش
من صغرك وانت بتعمل كل حاجه تعوضني عن اهلي ! لما هما يضربوا بالشمال انتوا تطبطب وتداوي باليمين ولو كنت فاكر انهم لسه مأثرين
تبقي غلطان أنا فعلا نسيت مش فاكرة حاجه
اللي خلاني اتكلم وانفعل ممكن اكون حطيت
نفسي مكانها بس لأنها صغيرة وملهاش حد كبير ېخاف عليها ويقف قصادها ووضعها اصعب انت كنت معايا وواقف في ضهري قصادهم رغم أن شوفتك في الولد الصغير ابنها ..
بجد يعني انتي مش شايلة حاجه جواكي
ابقي ظالمة أنا خدت كل الحلو اللي في الدنيا فيك وبس مفيش حاجه تخليني ازعل
ابتسم لها
ريحتيني يا فلك صدقيني كلامك كبير
دا بسيط عليك بس برضو مش هسيببها الا أما اطمن أنها بتعامل البنت حلو حتي
هما لازم يفهموا أمانة تربية يتيم وأنها ثواب ووصية واختبار من ربنا ليهم والا يسيبوه وميعذبهوش معاهم.
انتي جميلة يافلك الحمدلله أن مسبتكيس تضيعي مني ..
عدت ايام وشهور وأحوالهم بتتحسن عن الاول فارس مجتهد في شغله
متابعة القراءة
