رواية رهف ومروان جميع الاجزاء كاملة بقلم همس حسن ممتعة للغاية
المحتويات
ع الأرض عمالة تصوووت من الۏجع وماجدة قاعدة قدامها مسكها ايديها
رهف داخلة تجري ايه ايه مالها في ايه
ماجدة والله يابنتي مااعرف هي مرة واحدة لقيناها بتصرخ بعلو صوتها وقعدت في الأرض بالطريقة دي
إيمان انا مش عارفة المفروض نعمل ايه دلوقتي .. نوديها المستشفى ولا نكلم الدكتورة ولا ايه
مروان انتوا لسة بتسألوا !! قوموها بسرعة نجري بيها على أقرب مستشفى
أسماء پتتوجع جاامد وعرقانة لااااااا استني يامروااان
جوز.. جوزي مش موجووود يارهف مش هولد إلا ماحازم يكون معايا أبوس ايدك
رهف حازم اااايه دلوقتي يااسماء احنا في حازم ولا في الواد اللي خلاص هينزل منك او هيحصلك حاجة انتي وهو .. يلااا ياسماء
من الشغل ع الأقل
رهف ياماما
مفيش وقت للكلام دا البت قاعدة تصوت
أسماء بټعيط لاااا يارهف أبوس ايدك .. مش عايزة يحصلي حاجة قبل مااشوفه
رهف وإيمان بيبصولها وعينيهم مدمعة
مروان لا كدا مش هينفع خالص
اتقدم مروان على أسماء وراح شايلها بالعافية نازل بيها على تحت ووراه رهف وإيمان وماجدة
دور العربية وبدأ يتحرك
زياد واقف وراهم بعربيته .. دور هو كمان واتحرك على نفس الطريق
صالح داخل المكان اللي عملوا فيه تحليل ال DNA
وقف قدام موظفة الاستقبال سلام عليكم يابنتي .. انا جيت من يومين كدا عملت تحليل DNA لبنتي وجوزها وطلبت النتيجة تطلع مستعجل قولتولي اجي النهاردة
الموظفة اه طبعا يافندم اتفضل استريح وانا هشوف الكشوفات و اجيبلك النتيجة حالا
وصلوا المستشفى
نزل مروان من العربية وجري فتح الباب اللي ورا وشال أسماء نزلها ... جريت من وراه إيمان ندهت للطوارئ يجيبوا التروللي ونيموها عليه .. دخلت الإستقبال
رهف انا كلمت الدكتور وقالتلي إنها جاية في الطريق وعلى وصول خلاص .. وقالتلي غالبا كدا هتولدها النهاردة على طول
مروان بإذن الله خير متقلقوش ياجماعة
إيمان طيب يلا ندخل نخلينا جنبها لحد ما الدكتور تيجي
في بيت جاد
جاد انا لحد دلوقتي مفهمتش بردو انتو ايه اللي فكركوا بيا وجابكوا دلوقتي !!!
تامر مانا قولتلك يابابا .. وحشتونا فجأة وقولنا نيجي نشوفكم
جاد ربنا يسترها عشان قلبي مش مرتاح .. انا هقوم أكمل صلاة
دخلت شمس اوضتها وقفلت على نفسها
فلاش باك يوم رجعوها القاهرة
أحمد داخل على شمس الكافيه
شمس ايه يااحمد كلللل دا .. قاعدة مستنياك بقالي ساعة
أحمد معلش كان ورايا حاجات بخلصها .. المهم انتي أخبارك ايه
شمس كويسة الحمدلله .. انت عامل ايه
أحمد ايه مش ناوية تحني عليا بقا
شمس احن عليك بأيه
أحمد ياشمس الحكاية مسألة وقت وهاجي اتقدملك واخطبك من اخوكي ولازم ع الأقل تشوفي الشقة اللي هتتجوزي فيها دي الأصول يعني
شمس لا ياراجل !
وهي بردو الاصول بتقول إني أروح شقة لوحدي مع واحد غريب والشيطان تالتنا
أحمد شيطان اااايه ياشمس انتي محسساني انك مرتبطة بذأب بشړي .. ماتفكي كدا الله يباركلك عشان ربنا يفكها علينا
مفيش حاجة من اللي في دماغك دي هتحصل
شمس معلش يااحمد اعفيني انا من المشوار دا
أحمد ملامح وشه بتتغير اااه .. شكلك هتتعبيني
طيب ... قوليلي ياشمس
بتحبي أخواتك قد ايه
شمس معنديش أغلي منهم الاتنين في حياتي
أحمد اه .. طيب عايزك تلقي نظرة على اللي هوريهولك دلوقتي
يمكن الرسالة توصل أسرع
شمس هتوريني ايه
أحمد طلع الفون .. فتح فيديو
وكان نفس الفيديو اللي رهف شافته في الكارت الميموري
مروان قاعد في كافيه .. بيصب مادة بيضا في كوباية الراجل اللي قاعد معاه
شمس بتبرق ايه دا !! هو بيعمل ايه
أحمد تعرفي الراجل اللي بيتحطله المادة البيضا دي يبقى مين
يبقى أخويا ياشمس
أخويا اللي اخوكي خدره عشان ينصب عليه ويمضيه على صفقة توديه ورا الشمس ياشمس
شمس لا لا لا مستحيل .. مستحيل مروان أخويا يقدر يأذي حد أو ينصب على حد
أحمد بصي تعالي منتكلمش في التفاصيل .. خلينا في المهم
ايه رأيك بقا لو الفيديو الجميل دا اتسرب للحكومة
خصوصااااااا .. لما يعرفوا إن اخوكي التاني تامر بيه جاد هو اللي صلح كل حاجة ورا اخوكي عشان ميلاقيش طرف خيط يتمسك عليه
يعني بالصلاة عالنبي كدا بدوسة زرار واحدة أقدر اودي اخواتك الاتنين اللي هما أغلى حاجة في حياتك في داهية
ها .. هتيجي اوريكي الشقة بالذوق
ولا تحبي نذيع
شمس بتبصله وعيونها كلها دموع
رجعت من الفلاش باك
شمس بټعيط ضيعت مستقبلي عشانكم انتو الاتنين .. وياريت في الآخر قدرتوا
كنتوا انتو أول ناس تيجي عليا ربنا يسامحكم
في غرفة
الاستقبال .. نايمة أسماء ع السرير بټعيط من الۏجع .. جنبها رهف من ناحية ماسكة ايديها إيمان من الناحية التانية ماسكة ايديها ماجدة واقفة جنبهم ومروان قدامهم
رهف ياااه .. يعني انا كام شهر وهبقى زيك كدا يااسماء ومن غير ما يكون ليا أي يد ولا إرادة في الموضوع !!
مروان ياااه .. كان نفسي لما أحضر اللحظة دي معاكي يكون اللي في بطنك إبني يارهف .. كانت هتفرق كتير
والله كانت هتفرق كتير اوي
أسماء بتلف عينيها الدبلانة من الۏجع .. عينيها جت على الشباك بتاع الغرفة
زياد واقف مستخبي ومش باين منه غير عينيه بس .. باصصلها ومبتسم
ابتسمت أسماء وسط من الۏجع اللي هي حاسة بيه .. لفت وشها تاني وعينيها دمعت زيادة
أسماء بقا كدا ياحازم
حتى في وقت زي دا ألاقي الغريب واقف جنبي وانت مش موجود !!
لا وحشة اوي المرة دي منك .. الله يسامحك
صالح جاي من برا ها ياجماعة عملتوا ايه
رهف الدكتور على وصول اهي
صالح ربنا يقومها بالسلامة يارب ويجيب العواقب سليمة
بيبص لرهف وبيطبطب عليها روحي اقعدي انتي يابنتي .. انتي بردو حامل وتعبانة
رهف باستغراب !!!
لا عادي انا مش تعبانة .. خليني معاها لحد ما تدخل
بعد ساعة
واقفين كلهم في المستشفي قدام أوضة العمليات مستنيين أسماء تولد وتخرجلهم
رهف واقفة وشها تعبان وعينيها دبلانة
مروان بيبصلها رهف .. انتي وشك مخطۏف وشكلك تعبانة عشان مفطرتيش النهاردة
انا هنزل اجيبلك حاجة تاكليها
رهف بتمسك ايده لا لا لا مش عايزة اكل حاجة .. خليك
مروان مفيش حاجة اسمها مش عايزة أكل بصي وشك عامل ازاي ياماما
رهف خلاص يامروان احنا في ايه ولا في ايه
مروان بيبعد ايديها اوعي يارهف هنزل بسرعة واجي
نزل مروان بسرعة يجيب الأكل
خرجت ممرضة من اوضة العمليات تجري .. جريت رهف وراها تفهم فيها ايه سابتها ومشيت
بعد خمس دقايق رجعت الممرضة بسرعة بأدوات في ايديها وخرجت واحدة غيرها تجري هي كمان
قلقوا كلهم واتوتروا جدااا .. ياترى فيه ايه !!!
بعد ربع ساعة
خرج الدكتور من أوضة العمليات .. اتلموا عليه كلهم بسرعة
صالح ها يادكتور طمننا
الدكتور بصوا مبدأيا العملية نجحت الحمدلله .. بس للأسف حالة الأم والطفل حرجة جدا
ماجدة لا إله إلا الله .. حرجة ازاي يادكتور
الدكتور الطفل محتاج يتنقل الحضانة ضروري جدا .. والام دخلت في غيبوبة
جوا في الافاقة مازالوا بيحاولوا معاها .. لو فضلت كدا نص ساعة كمان هنضطر ندخلها العناية المركزة
سابهم ومشي
رهف بتحط ايديها على دماغها لا حول ولا قوة الا بالله
إيمان انا مش فااااهمة ازاي حازم ميبقاش موجود في وضع زي دا
صالح انا هروح اتصل بيه ابلغه
مروان داخل بالاكل ..
بيديه لرهف يلا عشان تاكلي
رهف اكل ايه يامروان اللي بتتكلم فيه .. أسماء
في غيبوبة والبيبي تعبان وهيدخل الحضانة
مروان يالهوي .. دا حصل امتي
رهف الدكتور لسة قايلنا
الناحية التانية
صالح بيتصل بحازم .. حازم مبيردش
صالح بينده لايمان
صالح افتحيلي البتاع الواتس اللي بتقولوا عليه دا عايز ابعت رسالة لاخوكي
إيمان حاضر يابابا هات
فتحتله الواتس اب
إيمان بص يابابا بتشد المايك كدا وتتكلم
سابته ومشيت
صالح بيسجل حازم .. سيب كل اللي في ايدك وارجع في أسرع وقت ممكن مراتك تعبانة جدا وشكلها هتتحجز في المستشفي وابنك كمان تعبان
بعت الريكورد وراحلهم
مروان رهف انتي لاااازم تاكلي .. انتي كدا هتقعي من طولك
رهف بعلو صوتها خلاااص يامروان قولتلك مش عاوووزة اكل
صالح داخل
عليها رهههههف .. انتي ازاي تعلي صوتك على جوزك بالطريقة دي !
انا ربيتك على كدا يارهف
رهف انا آسفة يابابا انا بس مستغرباه عشان مش وقته اكل
صالح جوزك معاه حق .. انتي في بطنك عيل بياخد منك ومن عافيتك
خدي الاكل من ايده وكلي يلا
رهف حاضر يابابا
حازم واقف مع الرجالة بيتكلموا في تفاصيل الشغل .. لقى رسالة واتس اب من صالح
حازم ايه دا من امتى أبويا بيبعتلي فويس نوت !!!
فتح الواتس فتح الريكورد وبدأ يسمعه
مجرد ما سمع الريكورد اټصدم وبرب .. وشه احمر واصفر والدم هرب من جسمه
فلاش باك
أسماء انا بس حبيت أقولك ان اللي بتعمله دا هتندم عليه جامد اوي .. هييجي اليوم اللي هتندم فيه على كل لحظة احتاجتك فيها وملقتكش ياحازم
رجع من الفلاش
قعد على جنب حط ايده الاتنين على دماغه .. عينه دمعت وقلبه وجعه
فجأة قام خرج على برا راح وقف قدام الحاوي
حازم انا لازم انزل القاهرة حالا يامعلم
الحاوي قاهرة ايه اللي تنزلها دلوقتي .. احنا لسة مخلصناش إجراءات التسليم ياحازم
الكلام دا مفيهوش هزار دي فلوس ناس
حازم وانا بقووووولك انا لازم أنزل القاهرة حالا .. حوار حياة أو مۏت لا يقل أهمية تماما عن اللي احنا واقفين نعمله
معاك بقيت رجالتي وهيكملوا هما معاك كل حاجة
سلام عليكم
سابه وجري ركب عربيته واتحرك ناحية القاهرة
في المستشفى
إيمان جاية عليهم بټعيط الممرضة بتقولي إنهم دخلوا البيبي الحضانة .. وأسماء دخلت العناية المركزة
البيبي حالته بتستقر إلى حدا ما
بس أسماء لسة مش باينلها حاجة
ماجدة جيب العواقب سليمة يارب .. جيب العواقب
سليمة
صالح رهف .. تعالي ثواني عايزك
دخل صالح على الغرفة ووراه رهف .. قفل وراهم الباب وراح قعد
صالح تعالي يارهف اقعدي جنبي
رهف رايحة تقعد جنبه
رهف خير يابابا .. فيه حاجة ولا ايه
صالح سامحيني يابنتي .. انا عارف إني شكاك شويتين ومبصدقش بسهولة
بس يعلم ربنا انا بعمل دا من خۏفي عليكوا وحبي فيكوا
رهف انا مش فاهمة يابابا انت ليه بتقول الكلام دا
صالح انا لسة جايب نتيجة التحليل دلوقتي
رهف پخوف تحليل ايه
صالح تحليل ال
رهف بتبلع ريقها طيب خير
صالح بابتسامة الطفل اللي في بطنك يبقى إبن مروان فعلا
انتو مكنتوش بتكدبوا عليا
بيطلع التحليل يديهولها
رهف بصت ع التحليل اټصدمت وبرقت
بصت في الأرض وحاولت تستجمع اعصابها
بينها وبين نفسها إبن مروان !
ازاي يعني !!!! انا مش مصدقة
صالح مالك مستغربة ليه كدا !
رهف هو انت متأكد من النتيجة يابابا
صالح هو انتي فاكراني تلميذ ولا ايه
انا اختارت المركز دا بالذات عشان ليا واحد معرفة هناك كفلته يفضل مراقب التحليل لحد مانتيجته تظهر .. واكدلي النهاردة بنفسه إن النتيجة مطابقة
رهف تمام .. أهم حاجة تكون اتطمنت
صالح
متابعة القراءة
