العريس قالت تمام بابا قال لا زودوا شويه فهما افتكروا أن بابا هيكمل وقعدوا بعيد فختارت وحسبوا طلعوا 102600 فبابا قال كده تمام هات يا حاج الفلوس قاله اتفضل ال 100000 اهم قاله هات كمان 2600 قاله مش معايا والعريس بص لأخوه قاله معاك 2600 قاله لا بابا اتنرفز جدا وطلع هو وواحد قريبنا كان هو إلى بيحسب وطلعوا بره ودخلوا فلاقيت قربنا بيطلع فلوس فبابا اتضايق وحلف طلاق أنه مش موضوع فلوس وأنه بيختبرهم وحلف مېت يمين وطلاق أن الخطوبة دى مش كاملة وقال لاختى اقلعى الدبلة واداهها لأخوه وخدنا ومشى كل دا وأهل العريس جوه المحل وسبناهم ومشينا
واختى زعلت جدا وغيرت الحالة سينجل على الفيس فلقيتا بعدها بيوم اخت العريس بتكلم اختى وبتقولها ينفع كده إلى عمو عمله قالت لها المنظر كان وحش والمبلغ صغير قالت لها بصراحة المبلغ صغير بس لما مامتك وقفت فى المحل وقالت كده احنا زعلنا وقولنا نجيب على قد الفلوس ولما المبلغ نقص 300 باباكى قال لا زود فقولنا هيزود ومفهمناش حاجة هو وقريبكم الى قعدوا يحسبوا واحنا قعدنا وسبناهم يتصرفوا وباباكى فضحنا قدام المحل الكل استغرب وبابا كان هيديكى ال 15000 بتوع اللبس ومكنش عامل حسابة بس انا كان معايا وخفت أحرج الكبار وفى نفس الوقت باباكى مدناش فرصة والراجل بتاع المحل ملحقش قال أبو العروسة مدناش فرصة كان ممكن انزل فى المصنعية شوية وزعل جدا من الى حصل اختى قالت لها بابا كان معاه فلوس وكان هيجبلى هدية بس بابا لما لقاكم مش هتزودوا زعل الحمدلله ربنا يرزقه بالاحسن منى إلى تقدره وتعرف قيمته
وانا مش عارفه مين الغلطان والموضوع انتهى بسرعة كده ليه
