قاعدة في بيت عيلة

جماعة أنا عروسة بقالي تلات شهور 
وقاعدة في بيت عيلة 
كنت في السبع ايام بتوع الفرح مكنتش باكل لوحدي الاكل اللي ماما كانت بتجيبهولي يطلعوا كلهم يكلو كل الاكل مني ياجي ٥ غيري انا وجوزي ومكنشي بيفيض اي حاجه اتعشا بيها حتي أو أعينها لتاني يوم حماتي كانت بتقسم الاكل تحت وكانت بتبعت ولادها يكلو اللي عندي فوق 

ودلوقتي باكل تحت ومفيش لقمة حتي في بيتي ولا في التلاجة التلاجة مفيهاش غير ماية اقسم بالله فاضية حتي لو جعت بليل مش بلاقي حاجه اكلها 
حتي جوزي مش بيجيلي جبنة حتي أو اي حاجه في التلاجة 
ولو ماما جابتلي حاجه مثلا فوق يتخانف معايا ويقولي هننزل نأكلها كلنا تحت يااما ينادي لخواتوا يطلعو يكلوها 
احنا بنتغدا بس ومش بيفيض اصلا اكل نتعشا بيه 
بنام كل يوم جعانه اقسم بالله 
مرة ماما جابتلي منابي يعني من الاكل علي قدي اكله هو مش بيحبها ولا اخواتو ولا حماتي ولا اي حد بيحبها وماما عارفة اني بحبها وجابتلي 
قالي انزلي كليها تحت قوليلوا هما مش بيحبوها قالي هوديكي عند ابوكي لو منزلتهاش 
وقعد يزعق علشان يسمعهم ان هو بيتخاق معايا أن عاوز ينزلهم اكل وانا مش راضية 
وحماتي تتطلع تقول ل ابنها هتتعشا يقولها لاء خلاص تقوم نازلة ومتسالنيش اهم حاجه ابنها وانا طبعا علشان جديد بتكسف اكل او اطلب حاجه 
حتي مفيش حاجه في بيتي اقدمها لحد لو حد عندنا والله مش لاقي حاجه اقدمها مفضيلي التلاجة حتي لو فاكهه بينزلها والزيت والسكر والشاي وكل حاجه  ويقولي لما تعوزي حاجه ابقي كلي معاهم تحت 
حتي اليوم اللي بروح فيه عند أبويا بياجي معايا نتغدا عادي ولو ماما بليل وانا مروحة  مثلا عملتلي سندوتش وانا ماشية لما نروح يقول لحماتي حماتي تقولي هتتعشو يقولها لاء حطيلي أنا بس هي اتعشت عند امها